-lins liv: Ting ein oppdagar når ein disponerer heile dagen fritt i staden for å bruka alle soltimane på å stirra ut vinduet på kontoret

onsdag, desember 14, 2005

Ting ein oppdagar når ein disponerer heile dagen fritt i staden for å bruka alle soltimane på å stirra ut vinduet på kontoret

Sola skin! Og eg kan gå ut i ho Når. Eg. Vil! Kor bra er ikkje det?

Det er mange andre som også surrar rundt i byen og kor det no skulle vera midt på dagen, i beste arbeidstida. Byen full, faktisk!

Det er mange som ringer til meg om midt på dagen! For å gjennomføra samtalar som denne, f.eks:

Eg: Hallo?
Dama Med Sukkerstemmen: Hei, dette er Frøken Effektiv fra Norsk Gallup. Kan jeg få snakke med den i firmaet som er ansvarlig for bedriftens valg av mobile løsninger?
Eg: Bedriftens hæh?
DMS: Bedriftens valg av mobile løsninger, ja..? Jeg har ringt [nummeret heim til L og meg] nå?
Eg [som brått kjem på at Enkeltkvinneforetaket mitt kanskje er ei "bedrift" (thihi!) i hennar bok]: Eh, ja, det stemmer. Men altså - me (me, faktisk!) har reservert oss (fleirtalsform igjen!) frå reklametelefonar...
DMS: Joda, men dette er fra Gallup. En undersøkelse, altså.
Eg: Eh, ja, nettopp. [Tenker fort, og lurar på om eg skal dikta opp ein innkjøpsansvarlig blant "oss" her i bedriften, men bestemmer meg etterkvart for ein enklare - og kjipare - veg ut av knipa] Eg forstår... Men du? Me har ikkje tid akkurat no...
DMS: Helt i orden! Den er grei!
Eg: Hadet.
DMS [framleis utan eit hint av surt i alt det søte]: Farvel!

Så fort gjort var det altså å bli til fleire enn ein for oss (ja, oss ja!) heimeverande...

Så mange kjekke ting og så lita tid! Eg har vore i India og bedt fint om å få koma inn i Riket, maila hit og dit og ordna avtalar nok til å rekka langt inn i det nye året, kjøpt permar eg enno ikkje har fylt med Viktige Ting, og for lengst registrert at eg jammen må kosta på før jul likevel for å rekka i alle fall litt av det eg skulle ha gjort, "arbeidsløyse" eller inga arbeidsløyse.

Likevel, for dei som aldri har prøvd det: bli arbeidslaus! Det er sååå kjekt å bestemma over eiga tid!

3 kommentarer:

Ingvild sa...: Jeg har prøvd det! Men jeg fikk ikke gjort så mye som deg, gitt :) Nå må jeg ta pause fra Økonomene for i dag, etter en 6 siders utroooolig pompøs artikkel. SUKK. Bra din L er en annen slags økonom! Soooooooooooooooove!!!; onsdag, desember 14, 2005 9:44:00 p.m.
-lin sa...: Pompøs erkje bra!

Og jada, det er bra at L ikkje er pompøs. Men når det gjeld språkbruk, må eg nok bare innsjå at me rett og slett stiller i forskjellige klassar. Ikkje forskjellige av nivå, men av sjanger. Kvar gong han spør meg om å omsetja eit ord til engelsk, eller finna eit synonym til det eller det ordet, er utgangsordet hans eit ord som eg aldri har brukt, verken munnleg eller skriftleg.

No sist, for få timar sidan:
Han: Hva er "virksomhet" på engelsk?
Eg: Uh... vettkje heilt... "business", kanskje?
Han: Nei. Innholdet i det du gjør, mener jeg?
Eg: Høh?
Han: Ja - som i "firmaets virksomhet".
Eg: Uhm... eg anar verkeleg ikkje kva du snakkar om no. Meiner du oppgåver? Arbeid? Arbeidsoppgåver? Eg pleier ikkje å bruka akkurat det ordet...
Han: Never mind.
Eg [alias frk dum-som-eit-brød]: ok; onsdag, desember 14, 2005 10:03:00 p.m.
Ingvild sa...: Hoho, det der er et kjent fenomen. Men så er det nå en gang sånn at ulike fag har ulik sjanger, og kanskje det er like greit å ikke mestre alle!? PS Jeg hadde heller ikke greid å svare på det...; torsdag, desember 15, 2005 8:07:00 a.m.