torsdag, mai 31, 2007

Fitter. Happier. More Productive*

Eg har lenge tenkt å skriva noko om samvit. Særs om den dårlege sorten. Men sidan eg sit til oppunder øyrene med ein foreløpig altfor kort tekst som bare ha blitt lang og trykkbar innan i morgon kl 09.15, får det lange innlegget venta litt.

Men ei liste har eg tid til:

Fem ting eg har (litt) dårleg samvit over
- sjølv om eg veit at det er teit å ha det:

* At eg ikkje likar å sjå TV, og derfor gjer det minst mogleg
* At eg sjeldan les heile avisene - og det er ikkje bare sporten eg blar forbi, heller!
* At eg ikkje likar spinning
* At eg er mest glad i å gå på ski når det er sol og fint ver
* At eg ikkje likar å gå i butikkar og følgeleg ikkje kjøper stort

Puh!

Lengre innlegg følger, som sagt. Medan du ventar, anbefaler eg denne posten hos Elisabeth. Det er noko av det same eg tenker - bare at ho er komen mykje lengre i tankane. Eller noko.

* Radiohead: Fitter Happier

Graffint

Tagging er teit. Stygt, tilfeldig, sjølvdiggande.
Graffiti, derimot! Graffiti likar eg. Bodskapar på ein vegg, ute i det fri eller inne på do på uteplassar. Her er nokre av dei eg har funne den siste veka.

onsdag, mai 30, 2007

Meir enn 1000 ord

Eg har eigentleg ganske mykje eg har lyst å fortelja, om bøker og reiser og venner og tankar og slikt. Men ser no at Elisabeth har tægga meg, så eg får gjera første tingen først:

Hva er du flink til?


Hva drømmer du om?


Hvem drømmer du om å kline med?


Hva er det beste med hjemstedet ditt?


Hva ville du gjort hvis du var statsminister for en dag?


Hva er du mest redd for?


Hvem skulle spilt deg i filmen om ditt liv?


Hvilket yrke ønsker du deg?


Hva ville du sunget på Idol-audition?


Hvorfor er ikke du kjendis egentlig?

Hvem tagger du?
Den som vil.

tirsdag, mai 15, 2007

nattønske

Eg vil at nokon skal gripa inn. At dei, eller den, skal hjelpa meg. Ein skikkeleg gud frå maskinen, ein reddande engel, "det var visst bare ein draum". Eg vil vakna opp og oppdaga at det er ferdig. At eg er ferdig. At eg har skrive det eg skulle, og at det blei bra. Ikkje fantastisk, men greit nok. Ferdig, først og fremst. Klar til å leverast, før fristen. Så kunne eg gått heim no, og lagt meg. Ikkje site til halv seks om morgonen, som i går. Ikkje lurt på om det i det heile tatt kjem til å gå, å skriva dette i natt og det andre i morgon tidleg og i tillegg pakka for 17. mai-feiring vekke og kjøpa gåve til ho som fortener noko fint - før toget (ikkje 17.mai-, det andre) går. Ikkje lata som at joda, det er heilt ok dette, eg konsenterer meg jo så mykje betre om natta, når det ikkje er andre ting som forstyrrar. Ikkje vera så navla flink heile tida. Bare sova litt, som andre folk.

Men eg vil jo vera meg også.

mandag, mai 07, 2007

In your face

Kjære fjesbok

Eg er så enormt glad du ikkje fanst for femten eller tjue år sidan! Særs tjue. Det har vel alltid vore vondt å vera vennelaus, men på 80-talet slapp ein i alle fall å kringkasta det over internett! "X has 0 friends"...

Venlege helsingar
Frøken Blir-litt-stressa-over-alle-desse-"vennene"-som-plutseleg-dukkar-opp-frå-den-dunkle-fortida-hennar

onsdag, mai 02, 2007

Amerikanske dokker

Jada, jada, eg lovar og lyg, om bilder og oppdateringar og afrikasoger og, sidan sist, moskvaeventyr. Men first things first, okay?

Eg har nemleg kjøpt den nye plata til Tori i dag! Og høyrer på på kveldsvakta mi, full guffe no som alle andre i kontorfellesskaprommet har gått heim. Og ho er så BRA!

Og det gjorde meg så GLAD! Eg hadde høyrt at ho skulle vera "meir nittitals enn 2000-tals", og frykta at det betydde retur til korjentehotellyden frå midten av nittitalen, i staden for fleire skarlagens- eller birøktarliknande songar. Heldigvis tok eg feil.

Og: Eg er glad fordi den herlege sola skin og skin, og våren så definitivt er komen til Oslo medan eg har vore vekke. Eg les vackra svenska böcker, lagar herleg 1.mai-kvelds på nyfått elgrill på balkongen, og både har og får overnattingsbesøk av dei unge, vakre og vellukka. Avisa ønska meg tilbake med ektefølt varme og glede i dag, og verda smiler breitt og varmt.

BRA LIV, altså!

Eg måtte bare nemna det.