Tett
Alle desse orda.
Koss skal eg seia det?
Skal eg seia at dei kveler meg? Nei, for sterkt. Overveldar meg? Ikkje eigentleg. Sug meg ut? Kanskje heller det. I mangelen på rette - nettopp - ordet, er kanskje vakuum det som kjem nærast. Som i tomhet. Stilla etterpå.
Eg sit der. Kvar dag. Frå morgon til ettermiddag. Nei, kveld, i grunnen. Når klokka er seks er det då kveld? Alltid litt sein. Alltid ni timar, ti. Ikkje sju, åtte.
Uansett.
Eg sit der. Og spyr dei ut. Fleire og fleire. Fortare og fortare etter som klokka tikkar mot dødlinja. Desken heng på interntelefonen. På mailen. På skrivebordet. "Kommer sakene snart?" "Hvor ligger bildene?" "Er det faktaboks?" Stadig skiftande redaktørar. Ferieavvikling og ad hoc-løysingar. "Nå tar jeg helg! Lykke til!"
Og altså ord. Ord ord ord. ORD!
Fleire ut enn inn. Likevel lite anna - lite meg - i det heile. I staden fyller eg på med - tja - veit ikkje? Rutine? "Flinkhet"? Ærgjerrighet? Stahet?
Noko sånt.
Eller så er det kanskje feil. Kanskje er det ikkje fleire ut enn inn. Kanskje er det omvendt. Alle desse telefonane. Desse hastige møta over avissponsa drikke. Dokumenta. Nettsidene og bøkene. Ord ord ord. Inn. Kanskje ligg dei der enno, alle eg ikkje får ut? Som slagg. Ekko. Ekstramateriale utan interessentar. Og kloggar hovudet. Kloggar tankane.
Kloggar meg.
2 kommentarer:
Med FR Davids berømte ord: "Words (pling-pling-plong) - don't come easy to me..." :) Du har vel valgt et yrke med mange ord, der halvparten av jobben består i å sette orda sammen i fornuftige setninger... Leste om Syphilia, forøvrig. Og om Lotte-Marie-dama. Om ikke annet får du møte - uhm - spesielle mennesker med god selvtillit i sommer. :)
Noe HELT annet: kesam. Her er jeg usikker på bruksområder, men mener å huske at du kjenner til produktet. Enlighten me, please?
Legg inn en kommentar