Ny start
Ok, då har eg bestemt meg. Det blir blogg i 2008 også.
Så mykje kan eg lova.
Men det eg ikkje lovar, er hyppige oppdateringar, morosame postar, spanande tema og kloke betraktningar.
Seriøst. Eg har tenkt litt på det dei siste par månadane, på kvifor eg ikkje hadde så lyst å skriva lenger, og kvifor det gjekk lenger og lenger mellom kvart innlegg, og har kome fram til at eg på ein eller annan måte følte at det heile blei for "ambisiøst". Ikkje fordi andre nødvendigvis forventar så mykje av meg, men fordi eg byrja å gjera det sjølv. Gradvis hadde ein del av meg byrja å skjemmast over klassiske lin-postar av typen "no er det natt og eg sit her aleine og jobbar", og syntest eg burde spara meg til eg hadde noko anna, mykje meir interessant å fortelja. Helst noko med bilder, og linkar til spanande og morosame nettstader som byggjer opp under poenget.
Men det er jo ikkje sånn det fungerer!
Dess høgare lista ligg, dess vanskelegare blir det å seia noko som helst. Og dess mindre ein seier, dess høgare er terskelen for å opna munnen igjen. Dårleg sirkel, mao, og den skal eg no bryta.
Men ikkje forvent store ting, okei?
2 kommentarer:
Hurra for fortsatt blogg! Og du har helt rett - ambisjonsnivået trenger absolutt ikke være så himla høyt. Hmm, nesten så jeg får lyst til å ta opp igjen min ikke-matrelaterte blogging.. Gleder meg til fortsatte turer i bloggen din i 2008 (og videre!), i hvert fall :)
Veldig begeistret for at det blir blogg i 2oo8 også! Hvis jeg senker mitt eget ambisjonsnivå, så kanskje jeg får meg en egen blogg en gang også... :)
Legg inn en kommentar